როგორც კი გახმაურდა ამბავი, რომ ლადო აფხაზავას ველო მოუპარავთ, ველომოყვარულებმა იდეა გააზიარეს:
შევუძინოთ ახალი ველო.
ბევრმა გამოთქვა ამ საქმეში მონაწილეობის სურვილი, თუმცა ყველას დაასწრო Zura's Bike Shop-მა.
მათ ლადოს დაუკავშირდნენ, მიიწვიეს მაღაზიაში, აარჩევინეს სასურველი ველო და საჩუქრად გადასცეს.
შეგახსენებთ, რომ ლადო ერთ-ერთი გამორჩეული მასწავლებელია და საქართველოს ევროპული მომავლისთვის იბრძვის.
Zura's Bike Shop ქუთაისში, აღმაშენებლის გამზირზე მდებარეობს და გამოირჩევა განსაკუთრებული ზრუნვით ველო მომხმარებლების და ველო საზოგადოების მიმართ.
გვინდა, პატივისცემა გამოვხატოთ ზურას, მისი თანამშრომლების, ლადოსა და იმ ველომოყვარულების მიმართ, ვინც მზაობა გამოთქვა, ეს კარგი რამ განხორციელებულიყო.
Comments (0)
No comments yet.